Thirrje për punë – Koordinator/e i/e Programit Mjedisor

THIRRJE PËR PUNË – Koordinator/e i/e Programit Mjedisor

Periudha e angazhimit: Janar 2026 – Dhjetor 2027
Vendi i punës: Mitrovicë
Orari: Kohë e plotë

Përshkrimi i organizatës

7Arte është organizatë joqeveritare që promovon zhvillimin e qëndrueshëm përmes ndërthurjes së kulturës, artit dhe mjedisit. Organizata synon të nxisë ndërgjegjësimin publik për çështje mjedisore, të forcojë pjesëmarrjen qytetare dhe të kontribuojë në ruajtjen e trashëgimisë kulturore dhe natyrore të Kosovës.

Në kuadër të programit shumëvjeçar për integrimin e komponentës mjedisore në sektorin kulturor dhe komunitar, organizata shpall thirrjen për pozitën:

Pozita: Koordinator/e i/e Programit Mjedisor

Afati i kontratës: 01.01.2026 – 31.12.2027

Përgjegjësitë kryesore:

Zhvillimi dhe koordinimi i aktiviteteve që lidhen me zhvillimin e programeve mjedisore dhe zbatimin e politikave të gjelbra brenda organizatës;
Hartimi, zbatimi dhe monitorimi i planeve mjedisore për projektet e organizatës;
Sigurimi që aktivitetet të jenë në përputhje me legjislacionin mjedisor të Republikës së Kosovës, si dhe me standardet ndërkombëtare për mbrojtjen e mjedisit;
Përgatitja e analizave, raporteve dhe dokumenteve strategjike që lidhen me qëndrueshmërinë, klimën dhe biodiversitetin;
Zhvillimi/Asistimi i trajnimeve dhe punëtorive për ngritje të kapaciteteve mjedisore të stafit dhe komunitetit;
Mbikëqyrja e zbatimit të eko-standardeve në projektet kulturore (menaxhimi i mbeturinave, kursimi i energjisë, përdorimi i materialeve të qëndrueshme, etj.);
Hartimi dhe koordinimi i projekteve të reja mjedisore në bashkëpunim me partnerë lokalë dhe ndërkombëtarë;
Kontribut në procesin e raportimit teknik dhe financiar, si dhe në përgatitjen e aplikimeve të reja për financim;
Përfaqësimi i organizatës në takime, forume dhe rrjete rajonale e evropiane për çështje të mjedisit dhe klimës.

Kualifikimet dhe kërkesat:

Diplomë universitare në Shkenca Mjedisore, Inxhinieri Mjedisore, Biologji, Menaxhim të Burimeve Natyrore apo fusha të ngjashme (Masteri është përparësi);
Minimum 5 vite përvojë pune në fusha të lidhura me mjedisin, zhvillimin e qëndrueshëm, ose projektet komunitare mjedisore;
Njohuri të shkëlqyera të legjislacionit mjedisor të Republikës së Kosovës, përfshirë ligjin për mbrojtjen e mjedisit, menaxhimin e mbeturinave dhe burimeve natyrore;
Përvojë në hartimin, menaxhimin dhe raportimin e projekteve të financuara nga donatorë ndërkombëtarë;
Aftësi të shkëlqyera komunikimi, bashkëpunimi ndërinstitucional dhe udhëheqjeje;
Njohuri të mira të teknologjive të gjelbra, energjisë së rinovueshme dhe menaxhimit të qëndrueshëm;
Aftësi shumë të mira të gjuhës shqipe dhe angleze, në të folur dhe në të shkruar;
Aftësi për punë në terren dhe udhëtime në komunat partnere në kuadër të projekteve.

Ofrohet:

Kontratë pune për periudhë 24 mujore (01.01.2026 – 31.12.2027) me mundësi vazhdimi.
Mundësi zhvillimi profesional në fushën e mjedisit dhe politikave të gjelbra;
Ambient pune bashkëpunues, me fokus në inovacion dhe ndikim shoqëror;
Pjesëmarrje në trajnime dhe forume ndërkombëtare për zhvillim të qëndrueshëm.

Aplikimi:

Kandidatët e interesuar ftohen të dërgojnë: