Lansohet portali rinor që u mungonte qytetit dhe të rinjve mitrovicas.
DOKO YOMI "Dokumentimi i të Rinjve të Kosovës në Mitrovicë" ishte një puntori për film dokumentar e organizuar në vitin 2006 nga NISI MASA në bashkëpunim me organizatën e saj anëtare në Kosovë, 7Arte. Puntoria ishte e hapur për të rinjtë mes moshës 18 dhe 30 që jetonin në Shqipëri dhe vendet e ish-Jugosllavisë. Rezultat i puntorisë ishin tetë filma të shkurtër dokumentar rreth të rinjve të Mitrovicës. Disa prej tyre u shfaqën në Festivalin e Filmit në Kanë, në vitin 2007 dhe festivale të tjera prestigjioze në Europë.
Në vitin 2008, idea e njejtë është zhvilluar më tej nga 7arte. Pesë filmat dokumentar janë prodhuar brenda tematikës së njejtë duke u shfaqur në Festivalin e Filmit Dokumentar "Rinia në fokus" në Mitrovicë.Duke pasur parasysh, se që nga fundi i luftës në Kosovë të vitit 1999, Mitrovica mbetet një qytet i ndarë ndërmjet shqiptarëve dhe serbëve. Përqindja e lartë e të rinjve të papunë e ka bërë një situatë të vështirë sociale në të dyja anët e qytetit.
Aktualisht, "7arte” dhe "ALAS" me mbështetje të UNDP-së kanë lansuar një faqe interneti www.dokoyomi.com e cila do luaj rolin e një portali rinor: Ky portal do të ofrojë informata të dobishme për të rinjtë, e Kosovës si dhe do synojë të promovojë gjendjen aktuale të të rinjve dhe krijimtarinë e tyre në nivel ndërkombëtar.
Në kuadër të këtij programi janë paraparë të prodhohen edhe dy filma dokumentar të cilët do të promovojnë dialogun në mes shqiptarëve, serbëve dhe komuniteteve të tjera të rajonit të Mitrovicës. Filmat do të përqendrohet në bashkëpunimin konstruktiv midis qytetarëve të Mitrovicës dhe do të mbledhin imazhe pozitive nga kjo zonë. "7Arte" është në kërkim të mëtejshëm për bashkëpunim me filmbërës Europian në drejtim të projekteve të reja me bazë frymën e DOKO YOMI-it.
Shfaqja e filmave DOKOYOMI
15 mars 2010
Lokacioni: Qendra e Kulturës "Rexhep Mitrovica"
Duke filluar prej orës: 18:00
Ekspozita “Fjongo që flet” foli
Në “Këndin 7arte” në Mitrovicë u hap ekspozita kolektive “Fjongo që flet” e cila në një formë krejt ndryshe ka synuar të vetëdijësojë të rinjtë rreth AIDS dhe sëmundjeve seksualisht të transmetueshme. Një fjongo ngjyrë kuqe, e gjatë 25 metra, u ka shërbyer artistëve mitrovicas që të shprehin idetë e tyre kreative duke pikturuar dhe shprehur në të. Pjesëmarrja e rreth njëqindë vizitorëve në ekspozitë e ka bërë aktivitetin edhe më të fuqishëm, me ç’rast të pranishmëve iu është shpërndarë material informues rreth AIDS-it dhe u janë prezantuar hapat tjerë që do ndërmerren nga artistët vendor.
Për të gjithë të interesuarit “Fjongo që flet” do jetë e hapur deri më datën 7 shkurt 2010. Ekspozita ka gjetur mbështetje nga OJQ “Integra” dhe Kuvendi Komunal i Mitrovicës, ndërkaq është implementuar nga grupi i piktorëve që vepron në kuadër të asocacionit 7arte.
Mbyllet suksesshëm, viti 2009
7arte shpall vitin 2009, si vit të sukseshëm dhe hap përpara drejtë realizimit të objektivave të parapara përgjatë vitit të kaluar. Rreth 10 aktivitete kulturore të organizuara në nivel kombtarë e evropian bënë që të na u besohen ngjarje të ndryshme kulturore dhe rritje të partneriteteve me organizata nga shtete të ndryshme Evropiane. Ndërsa vlenë të theksohet edhe hapja e këndit "7arte" ku u konkretizuan dhjetra ide të artistëve të rinj.
Duke i falemnderuar partnerët tanë të vitit 2009, si : Ministria e Kulturës, DKRS- Kuvendi Komunal Mitrovicë, GTZ, UNDP-ABD, Blackbirds Library, Balkan Sunflowers, Ambasada Holandeze, Ambasada Franceze, Zyra Kulturore Franceze, NISIMASA, CBM, Imaginair, INTEGRA , MDNZ , YG, Shkolla e muzikës "Tefta Tashko" e ALAS, ne u sigurojmë se vitin e ardhshëm bashkarisht do jemi më të fuqishëm drejtë përmbushjes së kërkesave shpirtërore e kulturore të qytetarëve dhe rinisë së Kosovës. Gëzuar 2010 !
Java e Filmit Francez në Mitrovicë
Është viti i dytë me rradhë që në Mitrovicë organizohet Java e Filmit Francez. Më poshtë do njiheni me programin e filmave që do shfaqen, ndërkaq rreth sinopsisit të filmave shkarkoni programin Java e Filmit Francez 2009
Hapet këndi që i mungonte artistëve
“Këndi 7arte” ka për qëllim që të krijojë një hapsirë efektive dhe të qëndrueshme për komunikim në mes artistëve dhe qyetetarëve, me çrast do nxiten krijime inovative dhe zhvillim i mëtejmë i kulturës. Përveq leximit të librave, shfaqjes së filmave, ekspozimeve, e puntorive tjera kreative, të interesuarit do kenë mundësinë që njëherit të relaksohen duke pirë ndonjë kafe apo dëgjuar muzikë.
Stafi ynë është në organizim e sipër të hapjes së këtij këndi dhe audienca artdashëse dhe mediatë do njoftohen së shpejti. Një kontribut të veçantë drejtë hapjes së Këndit 7arte ka dhënë edhe Drejtoria e Urbanizmit KK-Mitrovicë e cila ka ofruar hapsirën e pashfrytëzuar për shfrytëzim në dobi të qytetarëve;
Kjo hapësirë do shërbejë për zhvillimin e ideve pozitive që ndërlidhen me projektin DOKO YOMI (Documenting Kosovo's Youth in Mitrovica) i cili është mbështetur nga UNDP-ABD.
Një kontribut tjetër të veçantë kanë dhënë:Blackbirds Library, MINGOS dhe kontigjenti Danez i KFOR-it.
Revista evropiane për kulturë "Mas y Mas" publikon artikull për këndin "7arte".
Imazhe pozitive përmes
DOKOYOMI-t
Asocacioni 7arte në bashkëpunim me OJQ” Alas” filloi të implementoj programin DOKOYOMI (Documenting Kosovo’s Youth in Mitrovica) i cili ka gjetur mbështetje nga UNDP-ABD në Mitrovicë.
Programi parasheh krijimin e një portali elektronik, i cili do shërbente si strukturë e qëndrueshme për komunikim në mes të të rinjve nga mbarë qyteti i Mitrovicës.
Portali DOKOYOMI do i shërbejë të rinjve mitrovicas që të informohen me aktivitetet kulturore dhe sportive në vend, si dhe do shërbejë si urë lidhëse në mes komuniteteve të ndryshme të po të njejtit qytet.
Duke pasur parasysh se projekti DOKOYOMI ka historinë e tij që nga viti 2006, këtë herë është përqëndruar jo vetëm në problemet që e preokupojnë rininë, mirëpo edhe në anën pozitive të cilën s’mund ta lëmë anash. Së shpejti audienca jonë do të ketë rastin të njihet edhe me imazhe nga pjesët akoma të pa eksploruara të qytetit dhe njëherit të përmbledhë imazhe që ngjallin nostaligjinë për banorët më në moshë të cilët në mungesë të lirisë së lëvizjes, akoma nuk kanë arritur të dijnë se çfarë në të vërtetë ka ngjarë në qytetin ku edhe kanë lindur e rritur.
Si rezultat final të programit, ne presim dy filma të shkurtër dokumentar si dhe një video të shkurtë promovuese për të gjithë Mitrovicës si tërsi gjeografike.
Ne jemi të hapur për bashkëpunim me të gjithë qytetarët që mund të na asistojnë drejtë synimit tonë.
Thirrje për skenare- 2010
24.maj.2010
Këtë vit, Rrjeti Europian i kineastëve të rinj NISI MASA ka bërë ndryshime në formatin e organizimit të Garës për skenar, duke e shëndrruar në “Thirrje për skenare” e cila zhvillohet në kuadër të projektit "European Short Pitch 2011"
Entuziastët e rinj Kosovar të filmit, të moshës 18-28 vjecare do të kenë rastin të aplikojnë deri më datën 31.Korrik. 2010 për të marrë pjesë në European Short Pitch 2011.
“European Short Pitch” organizohet që nga viti 2007 në Moulin d’Andé-Céci (France) me c'rast 25 artistë Evropian prezantojnë skenaret e tyre para tutorëve me përvojë si dhe pjesëmarrësve tjerë, duke e zhvilluar idenë dhe prezantuar para një numri të madh producentësh Evropian.
Për dallim nga vitet e kaluara, këtë vit, skenaret nuk janë të kufizuar në bazë të temës. Pjesëmarrësit mund të shkruajnë në gjuhët zyrtare që njihen në Kosovë, dhe skenari duhet të kufizohet në kuadër të 20.000 shenjave.
Skenaret kosovar dorëzohen në adresën e Asocacionit 7arte, për tu përzgjedhur më pas skenari më i mirë përfaqësues nga Kosova.
Vlenë të theksohet se filmat e prodhuar si rezultat i kësaj puntorie, kanë arritur të shfaqen në festivale të ndryshme Evropiane, ndër të tjera edhe në kudaër të "Carte blanche" të festivalit të Cannes.
Për nderë të ditës së pranverës në hapsirën jashtë "Këndit 7arte" u organizua aktiviteti kulturor "Pro-cult" i cili iu dedikohej artistëve dhe artdashsëve me qëllim të shkëmbimit të ideve dhe ndrrmarrjes së iniciativave për mbështetjen dhe zhvillimin e kulturës në vend. Enkas për këtë ngjarje morrën pjesë bande muzikore si: PLOT, Edona Reshitaj & Band si dhe këngëtari nga Zanzi Band, Emir Plava. Përvec performimit të tyre, në skenë dolën edhe artistë të rinj të cilët performuan për të pranishmit, ndërsa në anën tjetvr u ofrua një pëlhurë për projektimin e filmave. Për të nderuar ngjarjen qe i pranishëm edhe drejtori i Drejtorisë për Kulturë nga KK-Mitrovicës, Zt.Artan Osmani i cili vlerësoi iniciativën si dhe premtoi se do të shqyrtojë mundësitë për mbështetjen e aktiviteteve kulturore edhe të rrymave alternative. Për të pranishmit, grupe studentësh dhe aktivistë të rinj kishin ofruar shërbime nga ushqimi tradicional.Ndërsa gjatë ditës DJ Ardi u ofroi një atmosferë festive të pranishmëve në Pro-cult.
PRO-CULT do synojë të jetë aktivitet tradicional dhe do të organizohet me cdo 21 Mars.
Gara e 8të Evropiane
për shkrim të skenarit
Në takimin e Jurisë të mbajtur prej 3-7 Nëntor 2009 janë caktuar 12 finalistët nga 22 skenarët nga shtetet evropiane të përfaqësuara në rrjetin NISI MASA që do të marrin pjesë në European Short Pitch në shkurt të 2010 në Francë.
7arte është antare e rrjetit NISIMASA që nga viti 2006 dhe këtë vit ka garuar me skenarin "Kthimi" të Dituri Neziraj i cili është pritur me interesim nga Juria Evropiane.
FINALISTET E EDICIONIT TË 8-te
Belgjika
Rendez-vous – Koen De Jongh
Bullgaria
The Cherry Edipus – Dena Popova
Kroacia
Benedictus Fructus – Hrvoje Zuparic
Estonia
Photo – Katrin Maimik
Finlanda
Diary of a city bunny – Vappu Tuomisto
Gotta have it – Matti Koskinen
Italia
It’s not fair! – Sara Spinelli
Rumunia
Junk – Andra Chiria
Rusia
Kangaroo – Nina Belenickaya
Queebrow – Artyom Galkin
Spanja
Koala – Daniel Remon
Suedia
Faux-pas – Jakob Backman
Kinema e hapur n`Ibër
(edicioni i dytë)
Mitrovicë, 29 korrik
Nga 6-9 gusht në Mitrovicë, në afërsi të urës së lumit Ibër, në
ambient të hapur, do të shfaqen filma artistik nga vendi dhe Evropa. Gjatë katër netëve audienca mitrovicase do të ketë rastin të ndjekë filma artistikë me tema nga më të ndryshmet. Qëllimi i këtij aktiviteti është qëqytetarëve mitrovicas t’iu ofrohet një aktivitet kulturor dhe relaksues në këto ditë vere. Ata do të mund të njihen me krijimtarinë e re të kinematografisë së Kosovës, dhe me kulturat e tjera të Evropës.
Në praktikën e deritanishme, në kuadër të këtij aktiviteti veror, 7arte promovon dhe prezanton punën e një krijuesi/filmbërësi vendor, si dhe u jep mundësi bendeve muzikore
të performojnë me veprat e tyre .
Vjet (edicionin e parë) aktivitetin veror “Kinema e Hapur n’Iber” e kanë ndjekur më shumë se 2000 qytetarë dhe se aktiviteti ka pasur efektin e vet pozitiv.
Qendra e Kulturës në Mitrovicë dhe zona ku do shfaqen filmat, për vite me radhë kanë qenë nën përkujdesje te KFOR-it francez dhe duke ditur rrethanat politike në këtë zonë, ky aktivitet është i një lloji të veçantë dhe synon të shndërrojë këtë zonë, në një hapësirë më atraktive për të gjithë qytetarët e Mitrovicës.
“Kinema e hapur në Ibër” ka gjetur mbështetje financiare dhe teknike nga DKRS e Kuvendit Komunal të Mitrovicës si dhe Qendra e Kulturës, ndërsa implementimin e aktivitetit e bënë asocacioni 7arte dhe partnerët si NISI MASA dhe ImageinAir.
Në program natë e parë janë: filma të shkurtër artistikë nga artistë të Kosovës, i ftuar
special regjisori Burim Haliti; nata e dytë - filma të shkurtër evropian, të prodhuar nga Rrjeti i Kinemasë së Re Evropiane NISI MASA; nata e tretë - film artistik i metrazhit të gjatë dhe nata e katërt - video art dhe performime muzikore nga rok bende lokale.
ASOCACIONI "7arte" mbështet artistët e rinj kosovarë, në veçanti filmbërësit, dhe zhvillon e promovon një kulturë të përbashkët evropiane. shkarko: profili 7arte.pdf
Që nga viti 2006 Asocacioni 7arte është anëtar i barabartë në Rrjetin e Kinemasë së re Evropiane -NISI MASA, me ç'rast përfaqëson Kosovën në mesin e nëntëmdhjetë organizatave tjera të Evropës.
Profili ynë
NISI MASA është një rrjet Evropian që mbledhë qindra entuziastë të rinjë të filmit, nga 19 shtete. NISI MASA përbëhet prej organizatave nacionale me profile të ndryshme, e që të gjitha përbëhen nga Evropian të rinjë që ndajnë një pasion të përbashkët: kinemanë.Të zbulojmë dhe promovojmë talentë të rinjë të filmit.
QËllimet tona
• Të kujdeset për vetëdijësimin Evropian duke pasur si mjet kinemanë,
• Të zhvillojë projekte ndër-kulturore të kinemasë.
• Të krijojë një platformë të diskutimit dhe bashkëpunimit për filmbërësit Evropian.
Aktivitetet kryesore:
NISI MASA, për çdo vit mbanë një Garë Evropiane për Skenar të shkurtë të Filmit për të gjithë ata të rinjë ndërmjetë moshës 18 dhe 28, dhe ndihmon skenaristët fitues drejt prodhimit e distribuimit të tyre. NISI MASA po ashtu, përgjatë gjithë vitit organizon aktivitete të larmishme që fokusohen në kinemanë Evropiane: leksione, seminare, shfaqje të filmave, takime dhe puntori (në kritikën e filmit, shkrim të skenarit dhe regjisë) në qytete të ndryshme (Stamboll, Paris, Mitrovicë, Vienë, Budapest, etj). Këto ngjarje kulturore zakonisht mbahen në të njejtën kohë me festivale të filmit nëpër Evropë.
RRJETI
7arte (Kosovë) : Cinestesia (Spanjë) : Ciné-Script (Belgjikë) Cras Tibi (Hungari) : Argo (Rumani) : Euphoria Borealis (Finlandë): FilmArche (Gjermani) : Franti (Itali) : Fresh Film Festival (Republika Çeke) :Kino5 (Austri) : Seven (Bullgari) : MeccaPANZA (Holandë) Moviement (Rusi) : NISI MASA (Francë) : NISI MASA (Maqedoni) : NISI MASA (Poloni) : Nisi Mini (Suedi) Palunko + Kino Klub Zagreb (Kroaci) : NISI MASA (Turqi )
GJASHTE EDICIONET E PARA
Që nga 7 organizata të shteteve dhe 250 skenare filmi në vitin 2002, gara është zgjeruar jashtë parashikimeve. Sot, 19 shtete kanë qasje në garë. Prej Spanje në Turqi, duke përparuar është bërë një DUHET TE për të gjithë talentët e rinjë Evropian që provojnë të drejtojnë filmat e tyre të shkurtër. Për herë të parë, kjo garë do organizohet edhe në Çeki, fal involvimit të këtij shteti në rrjetin tonë përgjatë muajit Mars 2008.
E reja e kësaj gare është që: temat e garës, vendtakimi i jurisë, ndrrojnë çdo vit. Për çdo vit, vendtakimi i Jurisë Evropiane përzgjedhet nga shtete të ndryshme mikpritëse. Pas Francës me 2002, Juria me sukses është mbledhur në Itali njëkohësisht me festivalin Cormaveur, pastaj në Spanjë (Alcala de Henares), në Gjermani përgjatë festivalit INTERFILM- Berlin, në Finlandë gjatë 2006 në Helsinki. Më 2007, Juria Evropiane ka shpallur tre fituesit përgjatë festivalit të 13 të filmit ndërkombëtar ‘On Wheels’ në Kars të Turqisë.
Kësaj rradhe, pra në Nëntorë 2008, antarët e jurisë do të mblidhen në Zagreb (Kroaci), ku njëherit do mbahet edhe festivali i filmit ‘One Take“
Që nga 2002 deri në 2006, midis çmimeve-fituese, janë bërë edhe këta filma të shkurt :
‘Ideja e Evropës – 2002
Në një tren, nga Barnabas Toth, Hungari
‘Kufinjt’- 2003
Përsëritjet, nga Galina Dimitrova, Bullgari
‘Të tjerët’- 2004
Tomi, by Lassi Virtanen, Finlandë
Barka, by Michal Szczesniak, Poloni
Një film me dyll, nga Eda Acara, Turqi
‘Qetësi’ - 2005
Lily, nga Marianne Griolet, Suedi
If I Fall, by Hannaleena Hauru, Finland
Ëndrra e detit bas, nga Claudio Lauri, Itali
‘Turistët’ - 2006
Harragas, by Grégory Lecocq, Belgium
Vizitorët e mesnatës, nga Sonja Csukor, Hungary (në prodhim)
Turistët nga Mateusz Subieta, Poloni (në prodhim)
Këtë vit, përgjatë veres, tre skenaristët e edicionit të 2007 nën temën ‘Rreth’, Jarkko Virtanen (Finlandë, Tre netë deri tek fillimi), Léo Medard (Belgjikë, Vajza e vogël), dhe Just Philippot (Francë, Në mesnatë cdo gjë ndalon këtu) do të xhirojnë filmat e tyre.
Kredibiliteti:
Në mes të filmave të shpërblyer që nga vitit 2002 nga NISI MASA, shumica prej tyre kanë marr vlerësime e famë nga festivale të filmit me renome në Evropë..
Që nga kariera e gjatë e filmit ”Në një tren’ si filmi më I mirë I huaj atribuar Lassi Markus-it, Mbret, për filmin ‘Tomi” në Festivalin e Parisit Tout Court Festival 2007, ne lirëshëm mund të themi se Gara për skenar e rrjetit NISI MASA, përfundimisht është një fushë pranvereje për lulëzimin e regjisorë e skenaristë të rinj.
Më 2007 na u është ofruar, “Carte blanche” si pjesë speciale e organizuar në Javën e Kritikës Ndërkombëtare të filmit në Canne, me çrast kemi shfaqur disa prej filmave të prodhuar nga ne.
NISI MASA promovon filmat, jo vetëm përgjatë festivaleve por edhe në televizione, DVD dhe Internet. Filmi i Barnabas Toth’s ishte transmetuar në Channel 4 (UK), Be TV (Belgium), CinéCinéma, TPS (France) dhe disa të tjerë. Një DVD me tre filmat më të mirë është, shpërndarë gjithashtu nën titullin “Të tjerët” (edicioni 2004), me qëllim që të shfaqeshin anembanë Evropës. Një sukses i para pak kohëve, ishte Hannaleena Hauru me Nëse Bije. I nxjerr në Maj 2007, veq ka qenë i përzgjedhur dhe i shpërblyer nga disa festivale filmi në Finlandë dhe jashtë saj, që nga Brazili deri në Kinë. Që nga 2006, uebfaqja jonë partnere www.daazo.com transmeton filmat nominues.
Folën për ne...
- Shtypi: Bref, Les Cahiers du cinéma, Positif, Kurzfilmmagazin, etc. Në nivel kombëtar (Koha Ditore, Kosova sot, Lajm, Express, Bota sot, revista Albanica, MM magazine, For You, etj
Përgjatë muajit shkurt, revista e përmuajshme NISIMAZINE , ka vënë në qendër të vemendjes assocacionin "7 arte" duke dëshmuar mbi punën e deri tanishme si dhe planet që ka ky asocacion. Po ashtu është dhënë hapsirë simbolike për të prezantuar disa prej antarëve të "7 arte". Për më shumë informata apo për të shkarkuar revistën, drejtohuni tek publikimet nëwww.nisimasa.com/
"KTHIMI"
Skenari "Kthimi"nga Dituri Neziraj është zgjedhur për të përfaqsuar Kosovën nënivel Evropian të edicionit e 8-të të garës Evropiane për skenar të filmit të shkurtë.
Takimi i jurisë do të mbahet në Nëntor në Bruksel ku do tëzgjedhen 12 finalistëqëdo të marrin pjesë në European Short Pitch në Shkurt 2010 në Francë
"Kaseta e dasmës"fituesi garës nën temën
“IKJE” 2008
Juria në përbërje të Burim Haliti (regjisor) Hareza Basha (dramaturge) e Fitim Shala (regjisor) kanë vlerësuar “Kaseta e dasmës” si skenari më i mirë në mesin e dhjetë konkurrentëve të rrethit të ngushtë.
“Kaseta e dasmës” e autorit Ariel Shaban është vlerësuar si gjetje origjinale dhe pasi të përkthehet në gjuhën angleze, nga organizatorët do të delegohet për garim të mëtejshëm në nivel evropian.
Takimi i jurisë evropiane do mbahet në Zagreb nga10-15 Nëntor 2008 në kuadër të festivalit “One take” ku edhe do të bëhet shpallja e tre fituesve në nivel Evropian. Tre fituesit në nivel evropian do të kenë rastin që përmes mbështetjes së rrjetit të kinemasë së re evropiane ”NISI MASA” të realizojnë prodhimin e skenarëve të tyre në shtetet e tyre prej nga edhe vijnë, ndërkaq rrjeti NISI MASA do i ndihmoj që filmat e tyre të distribuohen nëpër kinema dhe festivale të ndryshme evropiane.Ndërkaq dhjetë më të mirët do të fitojnë të drejtën për të marrë pjesë në punëtorinë për shkrim të skenarit në Francë, që mbahet në Janar të vitit 2009.
Konkursi për skenar evropian 2008 me temën “IKJE” ka gjetur mbështetjen financiare tek DKRS e Kuvendit Komunal të Mitrovicës.
Fillon implementimi i projektit ”Më lejo të them”
Një prej qëllimeve të projektit është që të përdorim paisjet audio-vizuele si mjete për të avokuar mbi çështjet që i preokupojnë të rinjt.
Ndërkaq pritet që përgjatë 2 muajvetë angazhojmë të rinj nga zonat rurale, minoritetet, dhe nga qyteti, duke u ofruar trajnim për avokim si dhe trajnim mbi bërjen e filmit dokumentar.Po ashtu është paraparë të mbahen edhe gjashtë debate me të rinjt, ku do shtjellohen tema të ndryshme të problemeve rinore, si dhe të nxirren rekomandime për hapatqë duhet ndërmarr.
Kampanja promovuese e këtij projekti ka filluar me shpërndarjen e fletëzave informuese dhe do pasojë me përzgjedhjen dhe intervistimin e tridhjetë të rinjve. Motoja që njëherit do jetë sllogan i këtij aktiviteti është ”Hajde ta themi bashkë”
Projekti ka gjetur mbështjetje nga GTZ, Sektori i Rinisë pranë KK Mitrovicë, si dhe Qendra Rinore “Our future”
.
Thirrje për pjesëmarrje në puntorinë “NISIMAZINE”- Amserdam
From the 17th - 30th November 2008, NISI MASA will organise a NISIMAZINE film journalism workshop in collaboration with the IDFA – International Documentary Film Festival Amsterdam.
The workshop will involve an editorial team of young European journalists and photographers. 9 daily issues of NISIMAZINE will be published during the festival in English only.
The IDFA, which has been taking place in Amsterdam since 1988, is the biggest documentary festival in the world.
Interested in participating? Click on nisimasa.com for the full project description and application form!
Additional NISIMAZINE workshops will take place in Autumn 2008 at the Cinéma Verité Iran Documentary Film Festival (Tehran), Torino Film Festival (Italy) and the Festival on Wheels (Kars, Turkey)
Fillojnë përgaditjet e Festivalit të filmit “RINIA NË FOKUS”
Fillojnë përgatitjet për hapjen e Festivalin e Filmit Dokumentar “Rinia në Fokus” në Mitrovicë. Festivali në fjalë ka për qëllim që të vë në spikam jetën e të rinjve mitrovicas. Si projekt është financuar nga UNDP , ndërsa mbështetje të duhur ka gjetë edhe nga institucionet si : MKRS e DKRS KK-Mitrovicë.
Së shpejti pritet të jipen informatat shtesë rreth shpërblimeve që do ndahen dhe kritereve për pjesëmarrje. “Rinia në Fokus” ka ardhur si rezultat i një puntorie ndërkombtare për filmbërje të organizuar dy vite më pare në Mitrovicë, nga 7arte dhe Rjeti i kinemasë së re Evropiane” NISI MASA” me çrast dy prej filmave të realizuar u shfaqën në kuadër të Festivalit të Canne-s, përgjatë vitit 2007.
Festivali, që njëherit do jetë sfidë për autorët e filmave dokumentar do të promovohet nën moton “Bëje një film- për rininë e Mitrovicës”
"Albumi” , film që u vlerësua në mesin e më të mirëve
Filmi “Albumi”, me regjinë dhe skenarin e artistit mitrovicas Lulzim Hotit, është zgjedhur ndër 6 filmat më të mirë në “Kino dynamique” të Vjenës, ku të pranishëm ishin artistë të profileve të ndryshëm nga Meksika, Kroacia, Belgjika, Rusia, Bullgaria, Kolumbia, Rumania, Australia, Gjermania, Franca dhe Austria.
Duke folur rreth “Kino dynamique”, artisti mitrovicas Lulzim Hoti, njëherësh drejtues i Asociacionit 7arte, tha se ky është një prodhim i filmave të shkurtër, duke vënë në sfidë, aktorët, regjisorët, muzikantët, montazhuesit dhe krijuesit tjerë artistikë që në afat prej 60 orësh të prodhojnë dhe shfaqin filma të shkurtër artistikë.
“Filmi “Albumi”, i zhanrit dramë, i realizuar në gjuhën angleze, ballafaqon raportet ndër personale, duke vënë në dilemë buzëqeshjet në albumet e fotografive. Te gjitha këto janë shtjelluar brenda 6 minutave, përmes aktorëve Stefani Marcello dhe Daniela Lattner. Ndërkaq, e arritur tjetër është që kemi bërë marrëveshje me organizatorët e “Kino dynamique” njëherësh partner i Asociacionit 7arte që të punojmë për realizimin e një produksioni të ngjashëm edhe në Kosovë, në mënyrë që t’iu jepet rasti edhe artistëve kosovarë për të shfaqur talentet e tyre”, tha të hënën me t’u kthyer nga Austria artisti mitrovicas Lulzim Hoti.
Ai tha se “Kino Dynamique” nuk kishte karakter garues, megjithatë duhej zgjedhur filmat më të mirë të realizuar gjatë 9 ditëve, e po ashtu duhej dhënë rasti po atyre filmave të promovohen në televizione që iu dedikohen kinemasë.
“Filmi “Albumi”, ndër 30 filmat e realizuar atje, është votuar nga audienca vjeneze dhe nga film bërësit pjesëmarrës dhe ka hyrë ndër 6 filmat më të mirë, me ç’rast është shfaqur në natën përmbyllëse dhe po ashtu ka fituar të drejtën të shfaqet në televizione në Vjenë. Filmi do të shfaqet në 15 shtete të ndryshme të botës, ku edhe funksionojnë kino-kabaretë e këtij lloji” /B.Hajdari/
Gara për skenar - IKJE 2008
RREGULLAT E GARES:
Organizuar prej 15 Prill deri me 31 Korrik, Gara e NISI MASA zhvillohet njëkohësisht në të gjitha shtetet antare të rrjetit në Evropë.
Për edicionin e 7, tema e re është: Ikje. Gara është e hapur për çdo të ri, ndërmjet moshës 18 deri në 28, që jeton në njërin prej shteteve ku organizohet gara. Secili pjesëmarrës duhet të shkruaj një skenar për film të shkurtër, me më së shumti 20,000 shkronjanën temën e përcaktuar, në njërën prej gjuhëve zyrtare të shtetit ku organizohet gara.
kalendari i gares:
Faza e parë: 15 Prill -31 Korrik 2008
Kampanja informuese dhe mbyllja e afatit për dërgimin e skenareve.
Faza e dytë: 1 Gusht – 15 Shtator 2008
Leximi, para-kualifikimi & përkthimi i skenareve në nivel kombëtar.
Faza e tretë: 18- 23 Nëntor 2008
Takimi i jurisë Evropiane në Zagreb (Kroaci) dhe shpallja e fituesve.
Çmimet:
Në Januar~Shkurt 2009, tre skenaristët fitues dhe 12 finalistët Evropian,do të ftohen nga NISI MASA që të marrin pjesë në «European Short Pitch», një puntori që organizohet tek Moulin d’Andé~Céci në Francë, duke u përcjellur me sesione intonuese (për të prezantuar skenaret e tyre) para producentëve Evropian.
Pastaj, 3 fituesit Evropian do të mbështeten nga NISI MASA në prodhimin dhe distribuimin e filmave të tyre.
Që nga skenari deri në shfaqje, NISI MASA është mirë e përgatitur për ndihmesën drejtë zhvillimit dhe distribuimit të filmave të shkurtë inovativ, në mbarë Evropën.
Një përmbledhje e artikujve dhe recensioneve rreth kinemasë së Ballkanit publikuar nga NISI MASA-Rrjeti Evropian i kinemasë së re Identitete Ballkanase, Kinema Ballkanase është mbështetur në seminar të organizuar nga NISI MASA, dhe antarët e Grupt Haide nga Bullgaria në Blagoevgrad të Bullgarisë përgjatë Marsit 2006. Mbështetur nga Council of Europe dhe Fondation de France, ky takim ka mbledhur të rinjë nga shtete të Ballkanit: Shqipëria, Bullgaria, Kroacia, Greqia, Kosova, Maqedonia, Serbia dhe Rumania, si dhe musafirë nga shtetet evropiane dhe audiencë lokale. Regjizor dhe kritik filmi nga Ballkani dhe pjesë tjera të Evropës si Ron Holloway, ishin të ftuar për diskutime mbi filmin.
Pas seminarit, pjesëmarrësit dhe antarët e NISI MASA shkruajtën tekstet të cilat tashmë janë mbledhur në librin me 89-faqe, të bërë me dy seksione kyqe:Qasja tematike (‘‘Humori i zi dhe kiçi" ) dhe kinemaja kombtare. Pjesa e dytë është e ndarë në kapitujtë rreth Bullgarisë, Rumanisë, Kroacisë, Bosnje dhe Hercegovinës, Serbisë, Kosovës dhe Turiqisë. Libri gjithashtu përmbanë pasqyrë të filmave të realizuar së fundmi në kinemanë ballkanase siq është filmi '12:08 Lindja e Bukureshtit" nga Corneliu Poromboiu (Romania,2007), "Ec perendim" nga Ahmed Imamovic (Bosnje & Hercegovina, 2005), Kukumi nga Isa Qosja (Kosovo,2005), dhe disa të tjerë...Një vend të veçantë zë edhe cenzura në kinematografinë kosovare, ku për bazë janë marrë përvojat e regjizorëve të njohur kosovar, Isa Qosja e Agim Sopi. Për të poseduar këtë libër, luteni të kontaktoni në adresën e NISI MASA apo përaqësuesëve në nivel kombëtar.
"Carte Blanche" e Festivalit të Canne-si takon NISI MASA's a
Për herë të dytë rrjeti NISI MASA do ketë mundësinë që të organizojë pjesën e programit të quajtur "Carte Blanche" përgjatë Festivalit Ndërkombëtarë të Cannes, në Francë! Vitin e kaluar në kuadër të po këtij festivali u shfaqën edhe dy filma të shkurtër dokumentarë, të realizuar me iniciativën e asocacionit 7arte në Mitrovicë. Filmat si "In cage" dhe "Road to home" ishin prodhim i përbashkët me artistët e Ballkanit dhe Evropës, që kishin marrë pjesë në puntorinë për film dokumentar e njohur si "Documenting Kosovo Youth in Mitrovica'. Edhe vitin e ardhshëm, pritet të marrim pjesë me ndonjë film të realizuar nga 7arte apo të delegojmë përfaqësues në puntoritë që do mbahen në të njejtën kohë me festivalin.
Gara për skenar- 2008
Tema e Ikjes është një fushë ku shumë mite dhe tregime ri-prodhohen: Piter Pan, Pa frymë, Ikja e madhe, Bonnie dh Clyde, Lamtumirë Lenin! …
Përkundër rreziqeve reale ose ndjenjave intime, ikja nganjëherë na duket se është e vjetmja rrugë jashtë…Por, kush ikën në ditët e sotme, pse dhe me çfarë çmimi?
A është çështje e të ndjerit diçka apo dikënd?
Ose është “thjeshtë” të qenurit në kërkim të diçkaje tjetër ?
Për shumëkë, ikja është sinonim i “shansit të fundit”. Nëse ka ndonjë konflikt për t’ia mbathur këmbëve, mund të vihet në dilemë edhe mbijetesa. Pranojmë apo s’pranojmë synimin e tyre final, ikjet janë zakonisht një kërkim i një vendi që i takojmë.
Megjithatë, distanca për të udhëtuar mund të jetë e shkurtër, por jo çdo herë liberale.T’ia mbathësh, nuk është çdoherë guxim, në të kundërtën frika është arsye e vërtetuar për ikjen.
Në të vërtetë, më së lehti është për të fshehur kokën në rërë, largë përgjegjësive, qofshin ato familjare, religjioze, politike, sociale, etike dhe të mjedisit profesional.
Shtegu i ikjes mund të jetë virtual, po ashtu. Saqë një “perde” e hollë mund të t’i humb ndjenjat në mes të vërtetes dhe imagjinares, arsyes e ëndrrave.
Ndjenja, personi po ashtu mund të dal jashtë vetvetes. Përballë frikave të brendshme, mëdyshjeve e ndjenjave, në një mënyrë apo tjetër, kush nuk ka dashur të ik?
E lirshme ose frikshme, imagjinare ose e vërtetë, Ikja është një temë e pakufizuar që frymëzon imagjinatën dhe na i trazon ndjenjat.
Kështu që, mos u frikëso nga faqja e bardhë! Shkruaje një skenar mbi temën Ikje dhe dërgo atë para 31 Korrik 2008
Ekzistojnë rregulla dhe konventa që supozohet që duhet të ndiqen kur shkruhet një skenar për konkursin e Skenareve NISI MASA. Përse duhet të ndiqen rregullat në qoftë se të shkruarit e skenareve ka të bëj me kreativitetin? Epo, ka përgjigje edhe për këtë. Nëse dëshironi të keni skenar që do ta lexojnë profesionistët nga industria e filmit, atëherë më së miri përpiquni t’i përmbaheni konventave sa më shumë që është e mundur. Sado të msheftë t’ju duken, lexuesit e skenarëve (ta zëmë: redaktorët dhe producentët anëtarë të komisioneve) të cilët kanë një grumbull skenarësh në tavolinat e tyre ka të ngjarë që mund t’i flakin në shportën e plehrave skenaret e formatizuara e të stiluara jokenvencionalisht, bile edhe pa i lexuar fare. Thjesht, ngase në këtë mënyrë ata i ndajnë fillestarët nga profesionistët që do të pasojnë. Kjo mënyrë atyre u kursen shumë kohë. Pasi që ne dëshirojmë të rrisim profesionalizmin e talentit të ri, le t’ia nisim që sot duke ju familjarizuar me këto standarde profesionale. Në të njëjtën e kohë, kjo formë do t’i jep mundësi më të mira jurisë sonë që ta krahasojë dhe lexojë skenarin tuaj pa asnjë ngatërrim në faqosje.
Faqosja e skenarit tuaj
Faqosja e skenarit do të duhej të dukej diçka si kjo:
Gjatësia dhe formati
Ka disa standarde të caktuara në formatizim që do t’ju ndihmojnë të dini pak a shumë se sa i gjatë do të jetë një skenar filmi. Kjo është shumë e dobishme për producentë. Me një skenar të shkruar për bukuri, këto standarde na lejojnë të masim gjatësinë e skenarit duke thënë: “një faqe skenari përafërisht është e barabartë me një minutë të kohës së ekranit". Ky është një udhëzues i përafërt dhe nuk është krejtësisht e besueshme. Për shembull skenaret e filmave të aksionit shpeshherë janë të shkurtër, por zgjasin më shumë në ekran krahasuar me dialogun që bazohet në skenar.
Ç’prej se Konkursi i Skenareve NISI MASA është konkurrim për të shkruar film të shkurtër, është shumë me rëndësi – pak a shumë – të jesh në gjendje të vlerësosh se sa faqe i shkruan. Prandaj, kur i ndiqni formatet standarde për skenare, kjo ju garanton se masa e njëjtë e “aksionit në ekran” është mbuluar nga secila faqe (në nivelin mesatar). Në formatin standard, një faqe është përafërsisht e barabartë me një minutë të kohës në ekran. E pra, duke shikuar në numrat e faqeve tuaja ne do të jemi në gjendje t’ju themi se sa i gjatë është filmi juaj. Prandaj, mos harroni t’u vini numra faqeve, dhe nisjani me numrin 1 që në faqen e parë me skenë në të.
Rregullat e formatit standard
Këtu e keni listën themelore se si do të duhej të formatizohej skenari juaj.
Tipi i faqosjes: Courier madhësia 12
Për të arritur formatin e standard, gjithmnoë përdorni Courier (ose New Courier) Madhësia 12.
Ky është fonti i caktuar.
Margjinat
Margjina e majtë duhet të jetë 4 cm
E djathta është 1.3 cm
Pjesa e lartë dhe fundi
le të jenë 2.5 cm secila.
Dialogu
6.5 cm nga e majta
duhet të jetë rreth 7.5 deri 9 cm e gjerë
nuk duhet të tejkalojë më shumë se 15 cm nga e majta.
Ju lutemi, kurrë mos gaboni t’i VINI NË QENDËR dialogët ose emrat e personazheve!
Emri i personazhit në 9.5 cm dhe sipër dialogut.
Numrat e faqeve
duhet të vendosen lart në këndin e djathtë dhe pastaj të kenë hapësirë të dyfishtë dhe pastaj vazhdoni të shkruani.
Shikojeni modelin e skenarit (në faqen vijuese) dhe vërejeni
- fontin e përdorur (Courier)
- përmasën e margjinave gjithkah
- numrin e rreshtave në një faqe
- gjatësinë e rrehtave të dialogut (gjithmonë të prerë)
- hapërisa ndërmjet skenave, etj.
Faqja e Parë
Skenari gjithmonë fillon me “HYRJE:”. Kjo asgjë s’ka të bëj me tranzicionin e shuarjes në ekran, por është një zakon ndërkombëtar se si duhet të fillohet një skenar.
Faqja e Fundit
Në fund të skenarit duhet të shtypni Fund dhe ta vendosnin në mes, ose me hapësirë të dyfishtë, djathtas në fund të faqes, dhe shtypne SHUARJE GRADUALE. Prapë kjo “SHUARJE GRADUALE” s’ka të bëj asgjë me tranzicionin e shuarjes në ekran, por thjesht është bërë zakon të përfundohet skenari në këtë mënyrë.
Titujt e skenës: Lokacioni INT/EKST: Kjo i referohet lokacionit të skenës. Nëse është brenda, atëherë është INT (për interior); nëse është jashtë, atëherë është EXT (për exterior). Kjo duhet gjithmonë të shoqërohet me lokacionin.
Titujt e skenës: Koha
DITË/NATË: Kjo i referohet skenës se kur ndodhë ajo ditën apo natën. Kjo shoqërohet me lokacionin.
Vëmendje: Nuk gjëra të tilla si MBRËMJE ose MËNGJES. Përdoreni vetëm DITË ose... NATË!!
Paraqitja e personazheve tuaja
Herën e parë kur personazhi paraqitet në skenarin tuaj, emrin ia shkruani me SHKRONJA TË MËDHA, e shoqëroni me një përshkrim të karakterit mbi ‘përshtypjen së parë'. Ju lutemi, mos e shkruani vetëm moshën e personit.
Dua të them, si mund ta shohim një person që është 44 vjeç ose... 45 vjeç? Përdoreni talentin e juaj prej skenaristi, dhe ofroni diçka më të mirë. Kur e shkruani: “JOHN një mesoburrë i brishtë” kjo tashmë veç është shumë më mirë.
Udhëzimet e aktrimit përfundi dialogëve Mënjanoni udhëzimet e aktrimit përfundi dialogëve sa më shumë që është e mundur. Emocionet do të duhej të hiqen nga konteksti shumicën e kohës... mos e përdorni mënyrën më të lehtë duke i shkruar ato përfundi dialogëve. Një gjë e tillë s’do të jep film të mirë!
Nuk duhet t’u vendosni numra skenave Mënjanoni t’u vini numra skenave në këtë rast. Por mos i harroni t’u vini numra faqeve.
U vini numra skenave vetëm atëherë kur keni të bëni me 'skenar xhirmi', i cili do të mund të shihet vetëm nga ju ose vetëm derisa jeni duke xhiruar filmin. Tash, ato nuk kanë kurrfarë kuptimi, pasi që skenat mund të zhvendosin brenda skenarit.
Mos bëni regji brenda skenarit. Një gabim që shpesh mund të shihet është që të përfshihen lëvizjet e kamerës në skenarin tuaj. Sado që edhe ne e pranojmë se ka raste se një gjë e tillë nuk mund të shmanget, në 99% të rasteve gjëra të tilla nuk duhet pasur në të. Kjo duhet të jetë punë e regjisorit, jo e skenaristit. Shprehjet e regjisë përfshijnë “PREJE”, “SEKUENCË E GJERË” dhe “XHIRIME NGA KËNDE TË NDRYSHME”. Këto shprehje mund t’i përdorni – shumë, shumë rrallë – kur momenti do të keqkuptohej krejtësisht pa to. Në përgjithësi këto shprehje janë vetëm për skenarin e xhirimit. Kjo është arsyeja se këto shprehje mund t’i shihni në disa skenare profesionale. Këto skenari nuk janë paraparë të lexohen nga anëtarët e jurisë. Faktikisht kjo do të “pengojë” dhe hutojë lexuesin. Skenari juaj duhet të rrjedhë shtruar si pjesë e lexueshme dhe jo sin jë seri e udhëzimeve.
Konflikti dhe kriza Drama më së shumti ka të bëj me konfliktin dhe krizën – jo me njerëzit që duan të njëjtat gjëra ose që pajtohen me njëri-tjetrin. Një skenë do të jetë më e qëlluar po qe se personazhet kërkojnë gjëra të kundërta në të njëjtën kohë. Një skenar tërheqës shpesh fillon me një personazh në një udhëkryq emocional, dhe vendimet që i marrin zakonisht shpiejnë te tregimi. Kontrollojini idetë dhe shkrimet tuaja në lidhje me këtë.
Informacioni indirekt Siç e kemi vënë re më pare njerëzit kanë imagjinatë të pafund. Po ashtu, për sa u përket çështjeve shoqërore dhe psikologjike njerëzit janë më të mençur se sa që ju mund të kujtoni. Prandaj është e rekomandueshme që të mbani publikun mendërisht të stimuluar, derisa shikojnë film. Nëse nuk e bëni këtë, atëherë publiku mund të mërzitet shumë kollaj dhe mund ta humbasni interesimin e tyre! Një nga mënyrat për ta bërë këtë është që të kontrolloni skenarin tuaj se si do të arrijë informacioni te publiku juaj. A do të duhet t’i bëjnë konkluzionet vetë ata ose ju do t’i bëni për ta. Po qe se e ndiejnë se ata duhet t’i bëjnë, ata do të përfshihen edhe më shumë, ndërsa ju do t’ua prekni zemrat shumë më lehtë.
KËSHILLA TË DOBISHME:
Sigurohuni që tregimi juaj është i përshtatshëm për një film të shkurtër.
Shkruani vizuelisht, sepse cilësia primare e filmit është arti i tregimtarit vizuel.
Jepni informacionin në mënyrë indirekte, që ta bëni publikun të jetë i angazhuar gjatë tregimit.
Përdoreni dialogun me imagjinatë dhe vetëm në rastet kur nuk është e mundur të shpre
Milaim Zeka fiton çmimin e festivalit
“RINIA NË FOKUS”
Me 27 shtator në Qendrën e Kulturës “Rexhep Mitrovica” në Mitrovicë, u shpallën fituesit e festivalit të filmit dokumentar “Rinia në fokus”. Komisioni në përbërje të: Mumin Jashari (kameraman) Jeton Xhemaili (producent) nga Struga, si dhe Skerdi Mahmutaj (regjisor e professor në Akademinë e Arteve, Tiranë) ndanë këto çmime:
Vendi i parë, plus 1100 euro i takuan filmit “Kthimi në Kosovë” me autor Milaim Zeka
Vendi i dytë, plus 550 euro i takuan filmit “Fatmire” nën regjinë e Fulvia Alberti nga Franca.
Vendi i tretë, plus 300 euro i takuan filmit “Takimi i yjeve” nën regjinë e Harezë Basha.
“RINIA NË FOKUS”
Me 27 shtator në Qendrën e Kulturës “Rexhep Mitrovica” në Mitrovicë, u shpallën fituesit e festivalit të filmit dokumentar “Rinia në fokus”. Komisioni në përbërje të: Mumin Jashari (kameraman) Jeton Xhemaili (producent) nga Struga, si dhe Skerdi Mahmutaj (regjisor e professor në Akademinë e Arteve, Tiranë) ndanë këto çmime:
Vendi i parë, plus 1100 euro i takuan filmit “Kthimi në Kosovë” me autor Milaim Zeka
Vendi i dytë, plus 550 euro i takuan filmit “Fatmire” nën regjinë e Fulvia Alberti nga Franca.
Vendi i tretë, plus 300 euro i takuan filmit “Takimi i yjeve” nën regjinë e Harezë Basha.
Si dhe çmimi i publikut iu nda filmit “Kosova, viti zero” nën regjinë e Niccolo Patriarca nga Italia.
E veçanta e kësaj mbrëmje qe edhe ndarja e mirënjohjes nga Asocacioni”7arte” për familjen Qena, të cilën e pranoi artistja Melihate Qena dhe shfaqja e një retrospektive të krijimtarisë filmike në Mitrovicë që nga vitet e 70’ta. Nata e ndarjes së shpërblimeve u karakterizua me një spektakël kulturor ku u gërshetuan arte të ndryshme dhe u vënë në pah talente të reja të qytetit të Mitrovicës. Natën finale e nderuan edhe figura të shquara të kulturës si: Adem Mikullovci, Leze Qena e Luan Jaha. Stafi organizativ e konsideron të suksesshëm festivalin e parë të filmit dokumentar “Rinia në focus” dhe shpreh gatishmërinë për të zhvilluar idenë edhe më tej. Ky festival u arrit të implementohet me mbështetjen financiare të UNDP (ABD), DKRS KK Mitrovicë, MKRS dhe CEZ group, si dhe të bashkëpuntorëve tjerë në nivel lokal.
LISTA E FILMAVE GARUES
Filmat që do shfaqen më 25 shtator , ora 20:30
“Rruga për në shtëpi” nga Sami Mustafa
“Mbi 5 %” nga Bedri Islami
“Fatmire” nga Fulvia Alberti
“N” nga Alban Zeneli
“Mitrovica, qyteti im” nga Ivo Gjokiq
“Besniku besnik” nga Enver Voca
“Takimi i yjeve” nga Hareza Basha
“Bothsnian” nga Petra Jagric
Filmat që do shfaqen më 26 shtator, ora 20:30
“Mbijetesa” nga Armend Hoxha
“Në kafaz” nga Zivko Grozdanoski
“Dolce Vita” nga Emilija Dimic
“Veriu” nga Besnik Zogaj
“Kosova, viti zero” nga Niccolo Patriarca
“Pengesat për në anën tjetër”nga Krenar Gashi
“Kthimi në Kosovë” nga Milaim Zeka
U mbyll me sukses manifestimi “Ditët e Filmit”
Gjatë manifestimit “Ditët e Filmit” në Mitrovicë, organizuar nga Asociacioni “7arte” në kuadër të Muajit të Rinisë, u shfaqën filma të shkurtër artistik të realizuar viteve të fundit në Kosovë. Në dallim nga viti i kaluar këtë vit kemi pasur një repertuar më të pasur të filmave të shkurtër, dhe e gjithë kjo është arritur falë bashkëpunimit dhe vullnetit të mirë të producentëve si: Blerim Gjoci nga Prishtina film e 9/11, si dhe Nehat Fejza nga Concordia Pictures të cilëve iu jemi mirënjohës për kontributin e dhënë në këtë manifestim. Manifestimin e kanë nderuar me pjesëmarrjen e tyre edhe regjisorët, për çka u jemi mirënjohës. Përgjatë dy ditëve ata sollën shpirt në qyetitin me plot tensione.
“Ditët e filmit” për herë të parë ka sjellur para audiencës mitrovicase regjisorët dhe aktorët e filamve të shfaqur që të bashkëbisedohet me ta dhe duket se qëllimi i aktivitetit është arritur në ditën e dytë, kur audienca e kuptoi natyrën e aktivitetit.
Debati ineteraktiv në mes shikuesve dhe regjisorëve e aktorëve ka bërë që koha ndërmjet filmave të shëndrrohet në një debat edukues mbi mesazhin e filmave dhe procesin e bërjes së filmit.
Dita e parë u hap me filmin “Vdekja solemne” nën regjinë e Ilir Kabashit dhe u përmbyll me filmin “Njerëz të Humbur” nga Hareza Basha. Ndërkaq repertuari ishte i begatuar edhe me filma të veçantë si: “OK” nga Blerta Zeqiri, ‘Për ata” nga Burim Baftiu, “Ora e madhe” nga Arsim Haliti, e “Kaona” nga Ujkan Hysaj.
Ndër filmat më të pëlqyer nga audienca ishin: “Hekurishtja” nga regjisori Burim Haliti, “Windows XP” nga Ujkan Hysaj dhe “Kthimi i Larës” nga Birol Urçan.
Për realizimin e këtij aktiviteti “7arte” ka gjetur mbështetjen financiare dhe logjistike nga Drejtoria për Kulturë Rini e Sport, pranë KK- Mitrovicë, gjegjësishtë Sektori për Rini.
DOKO YOMI Project in "TOUS COURTS" FILM FESTIVAL
DOKO YOMI films have been selected to participate the 25th Aix-en-Provence Short Film Festival in France.
They will take part in a special section dedicated to former Yugoslavia cinema.
The screenings will be on the 5th & 7th of December 2007
The Festival Tous Courts 2007 program, it's :
- 8 programs of International Compétition
- 4 programs of "Aixpérimental" Cinéma : Cinéma revisited
- 5 programs European Cinéma : Construction/Disconstruction : Yugoslavia before/afterbut also :
- 1 program of Regional films
- 1 program : from Short to Feature
- 3 programs for the Night of Shorts
- 3 programs for Schools and Young Audienceand don't miss :
- 7 screenings Around Aix in Aix aera
- 2 Debates
- 4 Q & As- The Opening Night - The Closing Night - International Competition Awards
DOKO YOMI udhëton për në Canne- 2007
Dy filma të prodhuar nga Asociacioni "7arte" "Ne kafaz" dhe "Rruga per ne shtepi" shafqen ne Javën Ndërkombtare të kritikës së filmit në Canne, përgjatë festivalit të filmit më 2007.
Filmat në fjalë janë dokumentare të metrazhit të shkurtër dhe paraqesin jetën e të rinjve mitrovicas, prej tëilëve mësojmë edhe mbi gjendjen e tensionuar në qytetin e Mitrovicës.
Filmat janë prodhim i përbashkët i asociacionit "7arte" dhe Rjetit të Kinemasë së Re Evropiane NISI MASA.
Shpallen 3 fituesit e garës për skenar për 2006
Komisioni në përbërje të: Blerta Zeqiri (regjizore); Arian Krasniqi (dramaturg) dhe Arzana Kraja (regjizore) shpallën fituesit e garës për skenar të filmit të shkurtër në nivel të Kosovës me këtë renditje:
• Alban Krasniqi (vendi i parë me skenarin: Turistët -M)
• Arbër Krasniqi (vendi i dytë me skenarin: Si të arrijsh atje)
• Hareza Basha (vendi i tretë me skenarin: Turistët )
Fituesi në nivel të Kosovës do të ketë rastin të marr pjesë si finalist në garën evropiane me 5 Nëntor 2006 në Finlandë, nga dhe do shpallen fituesit e tre vendeve të para në Evropë. Këtë vit, vendit të parë në Evropë do iu ndahen 15,700 euro, dhe do jenë dy shpërblime nga 5, 700 euro për dy vendet tjera. Këto shpërblime ndahen për prodhimin e filmave të tyre, të cilët më pas do shfaqen në kinematë evropiane. Gjithashtu dy fituesit në nivel nacional mbetet të ftohen për të marr pjesë në uorkshopin për skenar- filmi që do mbahet në Janar të vitit 2007 në Francë, ku dhe do të prezantojnë projektet e tyre para producentve evropian përgjatë Festivalit të Filmit Clermont-Ferrand. Gara e këtij viti në të gjitha shtetet evropiane është organizuar nën temën e njejtë ” Turistët” dhe ka për qëllim promovimin e krijuesve të rinj evropian që nuk kalojnë moshën 28 vjeçe.
Këtë vit gara evropiane për skenar të filmit të shkurtër në nivel të Kosovës, ka gjetur mbështetjen e Ministrisë së Kulturës dhe Kino ABC, ndërkaq është organizuar nga shoqata “7 arte” e cila është antare e përhershme e rrjetit të kinemasë së re evropiane NISI MASA. Kjo garë evropiane mëton të jetë tradicionale duke sjellur tema të njëpasnjëshme për krijuesit e rinj.
Tema për 2006: TURISTËT
FILLOI GARA E 5-të Evropiane për skenar të filmit të shkurtër.
Dy fitues në nivel të Kosovës do garojnë në nivel evropian ku do të ndahen tre çmime të mëdha që do i mundësojnë prodhimin e filmave, si dhe shfaqjen e tyre në kinematë evropiane.
vendi i parë 15.700 euro
Dy fitues në nivel shteti do marrin pjesë në një uorkshop për shkrim të skenarit.
Kremtohet përvjetori i 5-të i rrjetit NISI MASA
Nga 26 Gusht deri më 3 Shtator do kremtohet përvjetori i 5 ‘të i rrjetit NISI MASA që ka për qëllim mbledhjen e të gjithë pëfaqësuesve nga Rrjeti dhe më gjerë në një ngjarje të madhe kulturore. Ngjarja do të zhvillohet me qëllim të promovimit të bashkëpunimit ndërqytetar të Evropianve nëpërmes shkëmbimeve artisitike nga mbarë shtetet e Evropës. Puntoritë që do organizohen përgjatë një jave në Paris janë:
„20 vizionet e Parisit“
20 regjisor të rinj do filmojnë nga një zone/district të Parisit me kohëzgjatje jo më shumë se 5 min, dhe në fund të gjitha së bashku do të shfaqen për audiencën e Parisit.
„Kino Kabaret“
Pjesëmarrësit do ndahen në grup dhe do marrin nga një temë të veçantë që ka të bëjë me Evropën dhe më pas do fillojnë të garojnë për filmin më të mirë dokumentar mbi po atë temë.
“Marathona e të shkruarit-skenar“
Pjesëmarsve do iu shpallet tema për të cilën do të shkruajnë dhe do fillojnë ta mbarojnë skenarin duke i dhënë rast që në natën e fundit ti shpallin fituesit.
Pjesë e ligjeratave do jenë edhe këto tema të hapura për audiencën e Parisit.
• Laboratoret e kinemave në Evropë
• Multikulturalizmi dhe filmbërja në Evropë
• Filmat dhe bashkëpunimi Evropian
Pritet të marrin pjesë përfaqesues të organizatave të ndryshme nga mbarë Evropa, prej nga edhe pritet të arrihen shkëmbime të reja nga fusha e kulturës si dhe mundësi tjera bashkëpunimi në nivel Evropian.
Për projektet e deritanishme kemi gjetur mbeshtjeje nga:
.jpg)
Dy filma të prodhuar nga Asociacioni "7arte" "Ne kafaz" dhe "Rruga per ne shtepi" shafqen ne Javën Ndërkombtare të kritikës së filmit në Canne, përgjatë festivalit të filmit më 2007.
